متى حسيت انك.........؟!

كل واحد مننا ف حياته مواقف كتير بتحسسه انه فشل في اداء حاجة معينة

او فشل في الحصول على شيء كان يتمناه
او فشل في استمرار علاقة صداقة بشخص عزيز عليه

او فشل فى انه يكمل بدايه ارتباط عاطفى مع شخص بيحبه
يمكن تكون انواع الفشل كتير

بس انت ..وانتي..

الفشل بالنسبة لك ايه؟

امتى حسيت للحظة انك فاشل او على وشك انك تكون كده؟

ولو كانت عدت عليك اللحظة دي .. ايه الحاجة اللي عملتها علشان تخلي اللحظة دي مجرد ذكرى مش واقع عايش فيه

ايه اللي انت ماشي عليه في حياتك علشان تتجنب الفشل؟

يمكن تكون اسئلة كتير شوية .بس كلها اكيد ليها اجابات
مستني ردودكم

اولا تسلم يمينك على الموضوع الى بيطرح اسئله مهمه جدا تخص الشباب فى الفتره دى

الفشل بنسبه الاى واحد بيفتكرها صفه فى البنى ادم دى على فكره مش صفه مافيش انسان مش بيفشل دى

لكن الفشل بالنسبالى هى خيبة الامل هى عدم الاختيار الصحيح للقرارات هى الظروف الاجتماعيه المحيطه واسرها على البنى ادم فى اعماله اما بالفشل او بالنجاح

وفى لحظات كتير انا حسيت انى هفشل حتى ولو للحظه سعات بحس بالفشل وفقدان الامل على الرغم ان ممكن يكون العمل ده ناجح بس لازم تحس ولو للحظه بقدان الامل مع اول مشكله صعبه تواجهك

وتسلم ايدك يا ابوحميد

تقبل مرورى

وعلشان اتجنب الفشل والى ماشى عليه فى حياتى بالنسبالى شخصيا ماشى ب ( اتقى الله يجعل لك مخرجا )

وطبعا لازم احسب اسؤ الفروض فى اى عمل انا داخل فيه ولازم اشوف ليهم حلول مسبقه علشان اعمل حسابى

وعلشان انسى اللحظه دى لازم اعمل عمل ناجح ينسينى لحظة احساسى بالفشل او على الاقل احاول انى احول العمل الى حسيت بيه بالفشل من السلبيه للايجابيه

شكرا على رايك الجامد دا يا مودى ويارب الموضيع تنال اعجابكوم

يا احمد باشا انت مواضيعك كلها فوق الروعه والله والموضوع عجبنى جدا

بس عاوز اسمع رائيك انت بقا واجوبتك على الاسئله الى طرحتها فى الموضوع

وياريت بقيت الاعضاء يدخلوا يقولوا رايهم

وتسلم ايدك يا معلم