* يلا يابنات نصائح لما خطيبك يعذمك ونصحتين للشباب ***

نصائحي لكى عند أي عزومة مع خطيبك.. إنتى محتاجه شوية حركات نص كم

1 -الأول لازم تعرفي إن الشوكة والسكينة بيتمسكوا من إيديهم من

الطرف يعني مش من الوسط ولا من البوز زي الخنجر ولا من فوق طبعًااا

2 -العيش أوعي تفضحينا وتقطعيه بسنانك.. ولا الرغيف نصين بإيدك

وكلي نص لقمة وتحشري.. أوعي..

العيش بيتقطع بالسكينة في الطبق.. وبعدين تاخدي لقمة.. لقمة .. بالعافية.. قال يعني نفسك

مسدودة.. اضغطي على أعصابك جدااا وبعدين لما تروَّحي.. ابقى كلى زي ماانتِي عايزة

3 -الشوووربة.. أبوس إيدك.. بند الشوربة ده مهم جدًاااا

الشوربة تتشِرب من غير صوت خالص.. ومن غير ماتقعدي تنفخي

فيها.. زي القهوجي اللي بينفخ في الحجر للزبون.. وطبعًاااااا عايزِك

تنسي تمامًا.. السلطانية اللي بتلصقيها على بقك في البيت

وتدلقي على روحك .. بالمعلقة وبدون صوت.. سخنة, ولعة , برضه من غير صوت

وتسيبي تلت الطبق عالأقل.. مش تميليه..

4 -الرز طبعاً .. بيتّاكل بالشوكة.. أوعي إيدك تتمد على المعلقة

وتغرفي من طبق الرز وتعبّي.. إوعي.. الرز بالشوكة.. وكإنك

بتبوسيه مش بتاكليه

5-المكرونة.. الاسباجتي.. برضه بالشوكة.. تتلف على طرف

الشوكة.. لحد ما تخلص وبعدين تحطيها في بؤك من سكات.. مش

تشفطي المكرونة عود عود و تفضحينا

6 -السمك.. آه من السمك مشكلة.. شوفي.. بتفصلي اللحم عن الشوك

إزاي..؟؟ تقطعي اللحم من النص.. بالطول وبعدين تفردي اللحم على

الجانبين ولما تخلصي ناحية.. متقلبيش السمكة.. بلاش فلاحه

شيلي السلسلة بالشوكة والسكينة وحطيها في جنب الطبق

وكملي أكل النص التاني.. وبدل الفيلم الهندي ده.. نصيحة

ماتكليش السمك خالص.. قولي مابحبش السمك وخلصي نفسك

7 -الجمبري.. -إذا كنتِ عارفاه-.. أول ماطبق الجمبري ينزل.. بصيله

بقرف واحتقار شديدين.. آل يعني زهقانة من كتر أكل الجمبري

الجامبو في بيت بابّااااا.. واتنهّدي جامد وقولي.. برضه..؟؟؟ وتروحي

قاطعة راس الجمبريّاية.. بالشوكة.. أنا في عرضك إنسي

المصمصة دلوقتي

8 -البطاطس سواء مسلوقة أو محمرة.. أوعي تهرسيها وتدبيها على
الرز وتدّي ...لا..لآ...لآ...بالشوكة حتة حتة وإنت زي ما تكوني
هاتعيطي من كتر ما البطاطس صعبانة عليكي

9-الفاكهة.. لو الفاكهة فيها بزر.. طلعيه من بؤك بالراحة وحطيه في
إيدك وهي مقفولة.. وبعدين في طفاية السجاير اللي ع الترابيزة

أوعي ياحبيبتي من نظام التفتفة للبزر.. إنسي

10 -ولما تخلّصي أكل تحطي إيدك على بطنك.. -اللي عصافيرها

بتصوصو من العينات اللي كلتيها-.. وتقولي له مش ممكن.. أنا

عمري ما اتفجعت كده.. أنا قدامي أسبوع.. هابطّل أكل فيه

وبعدين تمسكي الفوطة اللي دايمًا موجودة على التربيزة من غير

لزمة.. وتبوسيها.. آل يعني بتمسحي بؤّك

وبعدين تستأذني منه تعملي ماكياجك.. وتخشي التواليت

وتطلعي من شنطة إيديك.. لفة الفول والطعمية اللي جايباها

معاكي و إديها أكل .. وبالهنا والشفتشى

ههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههه
بجد انا سعيد جدا انى اول واحد يرد عليك موضوع هاااااااااااايل
والله ضحكتنى

والله انا الى اسعد بمررررررررروك الجميل ده يافيدووو

وربنا مايحرمنى من ردوك مشكوووووووووووور ياباشا

*** يلا يابنات نصائح لما خطيبك يعذمك** ونصحتين للشباب *** Dde1938cb5

بجد والله موضوع جميل اوووووووي

مشكوووووووووووووووووووووووووووووووور يا ياصحبى على مرورك

وربنا مايحرمنى من ردودك يا معلم

*** يلا يابنات نصائح لما خطيبك يعذمك** ونصحتين للشباب *** Dde1938cb5